13年前中秋節正日（2008年9月15日），雷曼宣布破產，然後海嘯來臨。恒大死就死L硬，今日內房，物管隻隻跌一成，代表住整個產業鏈出現流動性風險，仿如13年前美國銀行業攬炒，互不相任的情況。
到目前為止，中央未開腔、未行動，唔係恒大點救，係點善後恒大。恒大債停牌，股價日日插、日日trade，似是讓領導繼續走。
13年前最後一刻，美國財長拒注資救四大行的雷曼，然後其他大行亦拒絕在政府擔保下出手。今次中央亦不會貿然出手，唔係等運到，而是許家印棄械投降，任你處置。
有能力分恒大豬肉的，只有國企級的中海外及華潤置地，但爛攤子拖多一日，不單是同業，更波及內銀（今日民行插多半成）、建築相關等。
做了N次白武士的融創，市值只剩600億，自己條命冇左一半。上周傳來有內房企業併購，亦非空穴來風，為求自保，未來內房的整合不會少。
Search